وزیراعظم آزاد کشمیر فیصل ممتاز راٹھور کا ممتاز آباد اور پلنگی میں تاریخی استقبال

وزیراعظم آزاد کشمیر چوہدری فیصل ممتاز راٹھور کا ممتاز آباد اور پلنگی پہنچنے پر عوامی ہجوم نے شاندار اور پرتپاک استقبال کیا۔ محمود گلی کے مقام پر پیپلز اسٹوڈنٹس فیڈریشن (PSF) اور پیپلز یوتھ آرگنائزیشن (PYO) کے سیکڑوں کارکنوں نے وزیراعظم کے قافلے کا خیرمقدم کیا، جس کے بعد پلنگی کی استقبالیہ ریلی ایک بڑے عوامی جلسے میں تبدیل ہو گئی۔ اس موقع پر مسلم لیگ (ن)، پی ٹی آئی اور استحکام پاکستان پارٹی (IPP) سے تعلق رکھنے والے سینکڑوں سیاسی کارکنوں نے اپنی سابقہ جماعتیں چھوڑ کر پاکستان پیپلز پارٹی (PPP) میں شمولیت کا باضابطہ اعلان کیا۔

سات ماہ کی کارکردگی 75 سالہ ترقیاتی منصوبوں پر بھاری ہے: فیصل ممتاز راٹھور

جلسہ عام سے خطاب کرتے ہوئے وزیراعظم آزاد کشمیر نے حویلی کے عوام کا شکریہ ادا کیا اور واضح کیا کہ ان کی حکومت وعدوں کے بجائے عملی اقدامات اور عوامی فلاح و بہبود کی سیاست پر یقین رکھتی ہے۔

وزیراعظم فیصل ممتاز راٹھور کے خطاب کے اہم ترین نکات درج ذیل ہیں:

عوامی اعزاز: "حویلی کے غیور عوام نے مجھے اس منصب تک پہنچایا ہے، اور یہ وزارتِ عظمیٰ کا اعزاز دراصل میرے پورے حلقے کے عوام کا اعزاز ہے۔"

ریکارڈ ترقیاتی کام: حکومت نے صرف سات ماہ کے قلیل عرصے میں حویلی کو وہ تاریخی ترقیاتی منصوبے دیے ہیں جو گزشتہ 75 سالوں میں بھی اس خطے کو نصیب نہ ہو سکے۔

انقلابی منصوبوں کی فہرست: حلقے میں دانش اسکول کا قیام، گرڈ اسٹیشن، ڈبل وے شاہراہ، ڈسٹرکٹ ہیڈ کوارٹر (DHQ) ہسپتال اور بڑے پلوں کی تعمیر ہماری کارکردگی کا واضح ثبوت ہیں۔

اولین ترجیحات: آزاد کشمیر بھر میں تعلیم، صحت، سڑکوں کے جال اور بنیادی ڈھانچے کی اپ گریڈیشن حکومت کا بنیادی ہدف ہے